عن الكنيسة

كاهن الكنيسة

جمعية الكنيسة

مواقع

C??????E

قصيدة الخوري

قصيدة الخوري

{وصلتنا هذه القصيدة ولدسمة معانيها ارتأينا بنشرها }.

يا ربِّ السمواتِي

لو عَمْ تِسمَع صلواتي

صُبْح ولِيل بْدَعواتِي

بدْعي لكلّ الناس بْصلواتي

بصلّي بصِدْق وإيمان

تعطينا الرحمة والغفران

وتِحْمينا من هالشّيطان

الّي إسمو خوري تعبان

من الخوري إحمينا يا ربي

بدْنا رحمة ومحبِّة

كرْشو بدّو تَيْعَبّي

رز الصين والهند ما بِيكَفّي

كرشو كبير و بطْنو بيْخَبّي

من تحت الجبّي

ما بِكَفّيه لجن الكبّة

أو طنجرة حشوة وبقْلِة

وإذا شِي مرّة انعزَم

على العشا دُغري هَجَم

بِيسابِق سبع الهِمَم

ولا زلمة ولا حرمة احترم

مين ما قعد جَمْبو ما احترم

أو عقْبالو كمان انْحَرمْ

ما بِلْحَق يوكُل غْرام

بِبْدا يتْطلّع على المدام

وإذا شرب من الكاس دامْ

في الأكل وْراسو بالصّحن على الدوام

على الأكل بيْصالح عدوّو قَوام

قبل ما يشَبّع بطنو تمام

بيْشَبّع دقنو وشواربو بدون حمّام

وإذا ايد حلوة جبلت الكبّة ما نام

ببْقى يحلم فيها حتى في الحمّام

ويا عيني على الخوري، والمعازيم

مساكين روّحوا بدون تَلاحِيمْ

وْلَجاط الحلو اوّل مَن هَجَمْ

إذا عزموا أو ما انعزَم

بيْكون أول وقبل سبع الهِمَم

باع الذمّة وأهل الذّمَم

أكل وشُرب وحُبْ المُهمّ

لا بدين ولا بديانة بهتَمْ

هاي حال بعض الخوارنة اليوم

مشغولين بالمصاري من يوم ليوم

بِلْحَق الْيورو والمَرَة من وَرَا وقدّام

المُهِمْ إنّو تحبّو بْغَرامْ

مِشْ بَس مرّة ومرْتين بدّو على الدّوام

اذا ما قِدر معها يْنام

راحت على سيرتها المدام.

 Copyright © 2009-2018 Almohales.org All rights reserved..

Developed & Designed by Sigma-Space.com | Hosting by Sigma-Hosting.com